UNTA.. TAYAON NGA HANDUMANAN by: Cocoy Salabas Bongalo

O tulay daan sa suba sa aloran, ikaw ang nagasumpay sa oroquieta ngadto sa lungsod nga akong natawhan, nahimugso ka sa tuig 1907 sa kapanahonan sa mga amerkanong dayuhan, tul-id ka nga gilinsahan sa imong gibarugan, gikan lobogon paingon sa simbahan, ug malabyan ang duha ka hugosan sa aglipay ug romanong tinuohan. Dugay kang napahimuslan sa mga lumulopyo sa aloran, agianan ka sa mga sakyanan ug mga karumata/ tartanilya paingon sa basakan, gigamit kang bularan ug humay sa mga silingan, ang imong landong bugnaw nga labhanan ug kaliguanan, ug si inyok maisog malipayong nagpatuna sa iyang mga kabaw sa atbang, hahaha.. O tulay daan, kalipay sa mga bata nga mag ambak-ambak sa suba gikan sa arko sa imong gitarukan. Wala na ko kahibalo sa imong mga puthaw, kung sa ila bang insik sebyo gipatimbang o ni marcelo viga ba nga gihimo niya ug sundang. Giguba ka kay dili na ka mapuslan kung agian ka sa mga sakyanan, tayaon na ang imong mga puthaw maong dili naka pintalan. Isa ka untang markasyon sa sibilisasyon nga ikapasigarbo sa turismo sa lungsod sa aloran kung sayo pa unta nasabtan. Butang ka nga dili makalimtan sa mga tawong karaan kay ikaw napahimuslan. Magpabiling kasingkasing aloranon.. Cocoy salabas bongalo