PAROLA SA KAGAHAPON by: Cocoy Salabas Bongalo

O bugtong ilang-ilang sa plaza sa aloran, ang imong kahumot nagpasulabi sa dalan nga akong giagian padulong sa eskwelahan. Sa imong pagka bulak nagpahipi ang imong kaanyag luyo sa imong tabunong pahiyom, pero dili nako malikayan nga ikaw akong layuan, tungod sa daghang mga katol nga ulod sa imong punoan.. hahaha! Saksi ka sa akong adlaw-adlaw nga paningkamot kay diin kanunay man nimo akong makit-an kay ikaw man labyanan padulong sa tunghaan. Ang lindog nimong punoan isa sa mga timailhan nga akong madumduman sa akong kagahapon sa Aloran. Ang mga akasya nimong silingan maoy landong gigamit sa pagpabugnaw sa mga kabataan sa eskwelahan, gawas lang sa punoan nga naay tunaan sa kabaw, hehehe! O parola sa akong kagahapon... asa ka na karon? Pahinungod sa batch'68 Aloran Central Elementary School Magpabiling kasingkasing aloranon, Cocoy Salabas Bongalo.