GABIE NGA MAMINGAW by: Aileen Mutia Malabago-Diango

Gabie nga mamingaw Ning mamingaw nga kagabhion, Daw tubig sa suba nga di matungkad ang ka lawom, Bisan may dag om, Arang gayud ka hilom. Ginoo salamat sa ulan, Nalipay gayud ang katawhan, Dili lang unta palabian, Kay makulbaan na usab ang tanan. Oras na unta sa pagka tulog karon, Apan akong mata ga siga lang gihapon, Adunay naka tugaw sa akong katulogon, Busa gilingaw ko na lang ang akong kaugalingon. Unsa kahay atong kaugmaon, Di na man masabot ning kalibutan karon, Ang mga panghitabo alampoonon, Busa magpaabot na lang sa panahon sa paghukom, Sa atong Diyos nga makagagahom. Halawom na ang kagabhion, Hinaot ang kalinaw magpadayon, Ug dili na kini nako tas-on, Arun dili kapoy basahon, Ug miabot na ang akong katulogon.