OH! MASALIMOOT NGA KINABUHI by: Aileen Mutia Malabago-Diango

Oh Masalimoot nga kinabuhi, Makalipay usahay dili, Bisan problema gapungasi, Balewala ra kini basta sige lang ug tingsi. Atong isayaw ug e kanta, Ang nagdahili nga kahingawa ug kabalaka, Panahon karun haskang paita, Kung tapulan ka, Matulog jud ka nga dilat ang mata. Unsa na man kahay atong dangatan, Kanunay na man mobisita ang katalagman, Naa pa ba kaha kitay kapadulngan, Tibuok kalibutan na man ang nahiaguman. Abusar pa more sa kinaiyahan, Mga tawong walay katagbawan, Kita ra gihapon mabothan, Kung ato pa kining ampingan, Kita ra man unta ang mabulahan. Ay ambroooot, Sa mga tawong alimoot, Maoy nakasala mao pay magbagotbot, Bisan unsaon pagpasabot, Di jud maminaw ug ipalapos ra sa lobot.... Balaan nga Diyos sa Langit, Imong mga anak naga ampo ug nagasangpit, Mga kalamidad kanamo ayaw ipahapit, Arun maiwas kami sa kasakit, Ug magmalinawon kami sa hingpit.