LORD, ANIA NA USAB! by: Aileen Mutia Malabago-Diango

Lord! Ania na usab ang among gikahadlokan, Mikusog na man pod ning ulan, Intawn kami imong panalipdan, Kay dili lalim kaniadto ang among nahiagoman. Ulan ayaw baya pagbinuang, Naa pa ba kay plano nga moundang? Ang kulba sa among dughan di na matabang, Hinaot nga ang among hangyo di makawang. Ginoo ikaw na ang bahala kanamo, Kung wala ka wala kami mahimo, Mga katawhan nangaliyupo, Nasayod kami ang kalamidad imong masumpo.