KASING-KASING ALORANON by: Lumad Aloranon

.........KASING-KASING ALORANON Aduna kita'y panultihon Maingon man sa panahon Tanan niining kalibutan Aduna'y kausaban. Suba sa Aloran Kaniadto kaligoanan sa mga kabata-an Labhanan sa mga kababayen-an Karun inig-ulan, guikahadlokan. Dula kaniadto sa kabata-an Singgam, sungka, haguijong ug karang Borador, may pahagong man o amang Binaki, in-umbay, binuwan.. nahanaw ang tanan. MAMORDS? Unsa na'ng mamords? Subo kaayo huna-hunaon Pulong nga hilabihan ka mahinungdanon Nahikalimtan na sa dayon. Nunot sa dagan sa panahon Daghan kanato nanglangyaw arun matigayon Apan sa kanunay, ALORAN guihandom Diay, dili tanan niining kalibutan dunay kausaban......