BAG-ONG TUIG by: Aileen Mutia Malabago-Diango

Bag-ong tuig, bag-ong kinabuhi. Luyo sa mga kasakit ug kadulom nga atong nahiaguman sa tuig 2022, Nasayod kita nga aduna gihapoy pagsidlak sa adlaw nga matagamtaman sa matag-usa, Dili man kini nato masinati dayon, Sa hinayhinay Diyos ang magpahigayon. Ang tanan aduna man gayuy utlanan, Mga kabtangan mga dayan-dayan lamang, Busa dili maguol sa atong gidangatan, Importante buhi tang tanan. Sa tuig 2023, Daghan pang moabot nga pahinumdom sa Ginoo, Maghinulsol sa kasaypanan nga nahimo, Maghiusa kita sa pag-ampo, Aron di kita maapektahan ug ayo. Dili na kita magdinumtanay, magbinungolay ug magdinautay, Hinoon kita magdinaitay ug magtinabangay, Atong ipatigbabaw ang pagminahalay ug pagpinasayloay, Aron ugma damlag makaako na kita ug talidhay. Niining tuig karon, Maningkamot ta nga makabangon, Dili magkinaugalingon, Aron magdungan kita sa pag-ahon. Maligaya at manigong bagong taon, Laban lang ALORANON, Asenso sa gihapon MISAMISNON.