FEELING HOPEFUL... by: Aileen Mutia Malabago-Diango

Usa ka tuig na ang milabay niining adlawa, Diin miabot sa among lungsod ang usa ka trahedya, Nga nagalangkob pa halos tibuok probinsya Ang tubig nga mibuhagak nga daw nagkatawa, Panimalos sa kinaiyahan nga gipasipad-an sa mga tawong nawong ug kwarta, Pagkawalay puangod gikaduhaan pa. Ang among gibati walay kasudlan sa kahingawa,. Mao nga di jud namo malimtan ning adlawa. Makalilisang gayud handumon ang among nahiaguman, Wala kay laing masangpit kundi ang Diyos sa kahitas an, Magpanglingo-lingo ka magalantaw sa mga kabtangan, Hunahunaon na lang nga dili kini madala sa lubnganan. Ang tuig 2023 hapit na man matapos, Ug ang tuig 2024 moabot na halos, Manghinaot kita nga dili na mausab sa kalooy sa Diyos, Kay samot nga makalolooy ang mga kabos. Malipayong Pasko ug Maayong Bag-ong Tuig sa tibuok Aloran ilabina sa Barangay Ospital, Ingun man usab sa atong Probinsya sa Misamis Occidental Nga karun atong gipiyal sa atong manggihatagon nga Gov. Henry S. Oaminal...